जा जा विसरून मला
जाताना मलाही शिकवून जा
विसरायचे कसे तुला ?
मलाही सांगून जा

प्रेमात तू नव्हतास माझ्या
आजच तुला शोध लागला
या शोधावर शिक्का मोर्तब
माझ्या अश्रुंचे घेवून जा

सहज तू सोडलास हात
राहील म्हणालास मैत्रीची साथ
असे गोड नको बोलूस जाताना
जगण्यासाठी वेदनेचे निमित्त देवून जा

विसरले आता चालताही येत नाही
नकळत हात तुझा हात शोधतो
अपंगत्व मनाचे कायमचे आता
आठवणीच्या कुबड्या निमित्ताला ठेवून जा