आज अस्थिर मन
निशब्द निशब्द भावना
अनाहूत कसली वेदना
मनात अनोळखी काहूर
सांजवेळी हल्ली अशीच हूरहूर

हाती कागदांची चळत
शब्द डोळ्यांसमोरून
होते धावत पळत
पण मनापासून शब्द दूर
सांजवेळी हल्ली अशीच हुरहूर

नकळत आतून काही
उगाच दाटून येत
कोणततरी साठलेले पाणी
डोळ्यात भरून येत होऊन पूर
सांजवेळी हल्ली अशीच हूर हूर

मग सोडून सगळे गुपचूप
गच्चीवर जाऊन उभी राहते
दूरवर मावळत्या रंगानं पाहते
साठवून घेते डोळे मिटून त्यांना भरपूर
सांजवेळी हल्ली अशीच हूर हूर

मग गार वारा हळूच केसांमध्ये
हात फिरवून फिरवून जातो
आसमंत हा कानात काही कुजबुजतो
आताशी दिसलीस आता कुठे निवांत भेटलीस
तुझ्या भेटीचेच निमित्त होण्या सांज होती आतुर

म्हणूनच सांजवेळी हल्ली अशीच हूर हूर