अजून स्पर्श ओले
तुझ्या आठवणींचे
मन जरी झाले कोरडे
तुझ्या ज्वलित शब्दाने

अजून ओठी हुंकार
निशब्द तोच नकळता
स्तब्ध जरी झाले
तुझ्या अनपेक्षित जाण्याने

अजून श्वास गंधित
तुझ्या धुंद मिठीतले
वेदनामय काही उसासे
जरी तुं हृदयी ठेवलेस काहीसे

अजून मी तुझ्यातच
आहे आहे हरवलेले
जरी शुद्धीवर आणलेस
तोडून स्वप्न सारे

अजून दिन तुझे
अजून रात्र तुझी
जरी नाहीस तुं माझा
माझे माझ्याकडे काहीच न उरले