येऊन जा एकदा
सहज अनोळखी असल्यासारखे
नाही आणणार मी अश्रू
डोळ्यात पाहता तुला प्रतीक्षेचे

येऊन जा एकदा
सहज तुझ्या मनाला वाट्टेल तसे
नाही पडणार पुन्हा प्रेमात तुझ्या
नाही करणार मनाला वेडे पिसे

येऊन जा एकदा
सहज प्रवाशी जसा हरवल्यागत
नाही हरवणार स्वतःला तुझ्यात
नाही शोधणार मला तुझ्या डोळ्यात

येऊन जा एकदा
सहज सांगून जा कोणी नाही मी तुझा
नाही विचारणार प्रश्न तुला कसलेही
मला मिलालेय्ल्या उत्तरांचे निमित्त बनून जा

येऊन जा एकदा
सहज पुन्हा जगायचे कसे दाखवून जा
नाही थांबवणार श्वास तुझे आठवणीने माझ्या
तोडून हृदय माझे , तुला विसरण्याचे कारण देऊन जा

येऊन जा एकदा
सहज सहज सहज लिहित गेलो म्हण
नाही शोधणार अर्थ तुझ्या शब्दात पुन्हा
निमित्त असे निरर्थक लिहिण्याचे मला हि शिकवून जा ...!!!