तो असा तिच्या प्रेमात वेडा होणारा
क्षण क्षणाला तिच्यासाठी झुरणारा
ती अशी वेड्या प्रेमात शहाणपण जस
त्याच अवखळ हसन तिच्या नजरेत दिस
तो जणू नजरेतील निरागसता
तिच्या हृदयातील कोमलता
ती अशी निशिगंध समान दरवळत रहावी
तिच्या एकेक चारोळीची मी वाट पहावी


तो जणू माझ्या अंतरीचे गोड गीत
स्पंदनाना माझ्या त्याने झेडावे लयीत
ती अशी पाहून त्यांची प्रीत आनंदी
शंका नसावी फुलावीत तुमची स्वप्न स्वच्छंदी

तो तीच कि ती त्याची प्रश्न न यावा मनी
बाग स्वप्नांची फुलावी फुलाफुलानी
ती अशी पण प्रत्येक फुलाकडे पाहून
गहिवरते जोपासते देऊन डोळ्यातलं पाणी

तो असा जपतो, पडो न भूवरी मोती फुलावरुनी,
आनंदतो मनोमनी दंव तिच्या नेत्रातले पाहुनी ....
ती अशी मग रुसते आनंद त्याचा पाहुनी
म्हणते " तुला माझ्या वेदना कळणार नाही

तो असा जीवसखा तिच्या वेदना त्याच्याच ना !
त्यास होती ज्या ज्या संवेदना ,त्या तिच्याच ना !
ती पण का अशी शंकित मनी
मौन तिचे बोलते तू माझाच ना?