क्षितीज आले मुठीत माझ्या
क्षण बघ थांबले क्षणभरी
भरून वाहतील शब्द तुझे हि डोळ्यातून
नको बोलूस थोडा वेळ तरी

अबोल झाली संवेदना
ऐकू दे जरा तुझ्या स्पंदना
नको विचारूस आता काहीही
अंतरी नाद उमटला ऐक काही

बाहूत आज जग माझे विसावले
नको हरवायला पुन्हा आता
भीती हि मनात उगाच दाटू येई
राहू दे जग माझे काही क्षण माझ्यापाशी

पुन्हा सरसावतील पाउले तुझी
अन जाशील पुन्हा दूर त्या देशी
मौन साथ तुझी सामाऊ दे अंतरात थोडी
नंतर वहाय्चीच आहेत शब्दांची ओझी