काहीच नाही बोललास तू
तरी सगळे मला उमगले
नजरेनेच तू माझ्या प्रेमा
मला दूर असे का केलेस ?

नव्हतास तू माझा कधीच
जाणूनही भास खोटे जपले
आज संपवताना सगळे
तुझ्या डोळ्यातले पाणी का लपले ?

खेळायला नको होता हा
जीवघेणा खेळ आपण
आता उत्तर मागताय मला
माझ्याच ह्रुदयाच स्पंदन

काहीच निमित्त आता दिसत नाही
दूर जाऊन हि तू दूर जात नाही
तू मुक्त करण्याचे फक्त निमित्त झाले
मी तर कायमचे तुझ्यातच उरले