तो म्हणे मज न कळे हे कसले बोल
ती म्हणे तुझ्याशिवाय न आयुष्याला काही मोल
तो असा, कधी तसा ,तर कधी असा
ती अशी वाघोबा, प्रेमात तो भित्रा ससा

तो घालतो झडप तीच्यावरी टा़कूनी उसासा,
ती टाळते त्याचा स्पर्श हवाहवासा
तो होई अवखळ श्रावणात रंग प्रेमाचा
ती दूर नजरेतूनच देई प्रेमाचा भरवसा


तो होत असे व्याकूळ प्रेमाचा दिवाना
ती डोळ्यातील मारे नयनतीर हवा हवासा
तो आज मित्रांच्या गराड्यात गुंग जरासा
ती अशी शोधी त्याच्या प्रेमाचा कवडसा

ती भिजू पाहे चिंब, मन टाकी तिचे वसा
तो जपत राही स्वच्छ ठेवी ह्रदय आरसा .
तो असा जपतो ओल्या मनात दवबिन्दुसम तिला
ती अशी ओघळू पाहे एकरूप स्पंदनात होण्या

तो एकरुप तीच्या स्पंदनात श्वास होऊनी,
ती आतुर त्याच्या नजरेतून प्रेम तीचे पहाण्या
तो असा अधीर ठाव घेई तिच्या स्पंदनांचा
ती अशी घाव देई अबोल्याचा त्याला जीवघेणा