तू अन मी पाहिलेल्या
स्वप्नांच्या उसळत्या लाटांवर
पुन्हा काही शब्द तरंगत ठेवून
........ तुझी वाट पाहतेय !

तुला हे करायचं तुला ते करायचं
तुला हे मिळवायचं तुला ते कमवायचं
तुझ्या व्यस्ततेत माझ्यासाठीचा
एक मोकळा क्षण शोधतेय .. तुझी वाट पाहतेय

जग विस्तारलं तुझ ... विस्तारत गेल
माझ जग मात्र तुझ्यासोबत हरवत गेल
तुझ्या अवाढव्य जगात माझा 'तू' शोधतेय ..... तुझी वाट पाहतेय !

कुठल्यातरी निमित्तन तू जवळ आलास
तुझ्या ओझरत्या स्पर्शान दूर जाऊनही जवळच राहिलास
पुन्हा असेच एक निमित्त .. मनस्पर्शी शोधतेय
..... तुझी वाट पाहतेय !

कोसळणारा पाउस एक वाट निवांत
भिजल्या स्वराने तू दिलेली हाक
आर्त तुझी साद आठवून ..एकटक पाउस बघतेय
... तुझी वाट पाहतेय ..