नको देऊस साद अशी
घाव देऊन जाते कशी
पुन्हा एखाद्या जखमेच
निमित्त मला व्हायचं नाही

नको ते आंधळ प्रेम
नको ती प्राणांतिक ओढ
तिच्या सारखी डोळ्यात प्राण आणून
वाट मला कोणाची पहायची नाही


नको हे ओले शब्द
नको ह्या ओल्या भावना
निमित्त होतात त्या झुरून जगण्याचे
मला असे झुरून झुरून जगायचे नाही

नको ती आस तो आभास
खोट्या स्वप्नाचा खोटा भास
स्वप्नात अश्या गुंतायचे नाही
तुला गुंतवण्याचे निमित्त व्हायचं नाही