दिलेस तू स्वप्न असे कि
पाहते असे जागे पणीही
होतेच ते क्षणिक जरी
जपले लाख लाख श्वासातुनी

दिलेस तू स्वप्न असे कि
सहज कधीही बसता उठता
जाते त्यात असे हरवूनी
नसे भान पाही कुणी बोले कुणी

दिलेस तू स्वप्न असे कि
सूर झंकारतात कानी मनी
नाही कुठे हि नाद ताल जरी
रुणझुणते संगीत क्षणो क्षणी

दिलेस तू स्वप्न असे कि
दिसते डोळ्यात ते माझ्या
अन हसते किती गालातुनी
पाहतो मलाच निसर्ग हा राहुनी राहुनी

दिलेस तू स्वप्न असे कि
होते लाजून रंग अंतरी
खुलते हे रूप अन रंग हि हा
विचारी सगळे "काय..?" मज पाहुनी

दिलेस तू स्वप्न असे कि ..... स्वप्न असे कि ... स्वप्न असे कि