***** भेटणे हे शेवटीचे *****

भेटणे हे शेवटीचे , काढली ती खोड का रे ?
गायले ते पेललेना ,गीत राही गोड का रे ?

सोडले मी मोजणे जा , तोडलेल्या अंकुराना
खोल माती वेदनांची , आसवांचे मोड का रे ?

सांधणे आता नको ते , जोडणे पुन्हा न आता
अंतरी धागा न दोरा , फाटली ती जोड का रे ?

मी उसासे बांधलेले , श्वास काही ठेवलेले
बंधने नाही कशाची , प्राण गाती सोड का रे ?

ठेव नाही कोणतीही , भाव नाही घाव नाही
तोडले गोडीत सारे , तोडण्या या ' तोड ' का रे ?

ताणलेले दोर होते , ना कळाले का मलाही ?
ठेवले जाता पुरावे , बोल हाती फोड का रे ?

........... अंतर्नाद ( मनीषा )