****** अंत नाही ******

कोमेजली फुले ती .... सारीच खंत नाही
गंधाळल्या क्षणांना ... नाहीच अंत नाही

त्याच्या अबोल ओठी ... घायाळ दाद होती
काव्याहुनी न माझ्या ... मी भाग्यवंत नाही

ही रात्र चांदण्यांची .... डोळ्यात राहू दे ना
आभाळ शून्य झाले ... तारे अनंत नाही

मांडू नकोस पुन्हा .... माझ्या कथाव्यथा त्या
वाचायला नव्याने .... आता उसंत नाही

त्त्याच्याच ओंजळीने ....छाटीत स्वप्न गेले
हाती न मावले ते .... त्याला पसंत नाही

आशेत जीवनाच्या .... वाटेत सांज झाली
अंधारल्या 'मनीषा' .....काही जिवंत नाही