फार काही नाही
दोन हक्काचे अश्रू असावेत
नसेल जेव्हा कुठेही मी
एकांतात ओघळणारे असावेत
फार काही नाही
दोन गोंडस शब्द असावेत
"कुठे आहेस ? .. "म्हणून
दोन डोळे शोधणारे असावेत
फार काही नाही
चुकणार्या ठेक्यांचे दोन स्पंद असावेत
लय बदलता माझ्या श्वासांची
अचूक स्पंदने हेरणारे असावेत
फार काही नाही
दोन हात विश्वासाचे असावेत
जेव्हा अविश्वासाचे उठेल वादळ
ठाम अढळ नजरेचे स्पर्श असावेत ..
फार काही नाही ..............
अनोळखी जेव्हा स्वतःशीच होते
"मी ओळखतो ग तुला"
ओळखीचे नेहमीचे तुझे शब्द असावेत
अंतर्नाद (मनीषा )
No comments:
Post a Comment