तुझे नेहमीचेच निमित्त
"पाणीदार आहेत तुझे डोळे "
म्हणताना आजही शोधतोस
माझ्या मनात काही आटलेले ...

मी छाटत असते काही फांद्या
छोट्याश्या झुडुपाच्या
अन म्हणते " हे सुंदर वाढण्यासाठी
बरे असते थोडेसे छाटलेले "

"चित्रकार आहेत तुझे शब्द
रेखाटतात किती रेखीव चित्रे
तू बोलताना रंग होतात अश्रू
आणि अश्रूच होतात कुंचले "

तुझी रेखीव दाद ...ऐकल्यावर
निक्खळ निखळ हसते मी अन ...
मनाच्या कॅन्वासवरचे सुकलेले चित्र
पुन्हा निमित्ताने होत असते ओले ....
..........अंतर्नाद.